رمضان كريم
محمد محمود عبد الدايم
أنا نفسي حد يفهمنى
ازاى صايمين
او حد حتى يعرفني
ايه معنى صيام
الصبح يشقشق فى خناقه
بسبب التدخين
محروس عين امه اصله مدخن
خرمان نكوتين
مش طايق حتى يستحمل
كلمه اسفين
كتوموتو حلته قوم اتنيل
اشرب نفسين
رمضان مش ناقص امثالك
فتاح ياعليم
فى الظهر نايم فى الجامع
علشان سهران
وياريت سهرةكان نافع
او قاعد مع ناس نافعين
سهران والسهرة صباحي
مع ناس فاسدين
يا اخينا اقوم اتهبب
فى ناس واقفين
محتاجه تخلص مصالحها
مش زيك بايظين
العصر راجع على بيته
من النوم تعبان
مش عايزاسمع ولا كلمه
أنا عايزانام
وينام مش شاغل تفكيرة
ابنه التعبان
امثالك من قلبى ادعيله
يلوشك تعبان
المدفع يضرب يقوم يجري
قال ايه جوعان
يبص بعينه على السفرة
وكأنه خارج من حفرة
سمحونى أنا اصلى جعان
باي باي يا صيام
انا عايز حد يفهمني
ازاى رمضان
سمحونى راح منى كلامي
راح اكمل يوم تانى معاكم
مرحب رمضان
رمضان كريم
مع تحياتي
محمد محمود عبد الدايم
